Paralımpıadaǵa qatysyp jatqan 8 atyraýlyqtyń alǵashqysy baq synaıdy
ATYRAÝ. QazAqparat – Atyraý oblysynan Paralımpıadaǵa 8 sportshy qatysyp jatyr. Búgin alǵashqysy Ánýar Sarıev baq synaıdy, dep habarlaıdy QazAqparat.
Oblystyq sport jáne dene shynyqtyrý basqarmasy baspasóz qyzmetiniń málimetinshe, Atyraý oblysynan Paralımpıadaǵa 8 sportshy attanyp ketken.
«Qazir Tokıoda jalaýy jelbiregen Paralımpıada dodasyna paradzıýdoshylar Ánýar Sarıev, Temirjan Dáýlet, Ǵalymjan Smaǵulov, Zarına Baıbatına, Janbota Amanjol, Erlan Ótepov, parataekvondoshy Nurlan Dombaev pen parajúzýshi Erjan Sálimgereev qatysyp jatyr. Búgin, 27 tamyzda paradzıýdoshy Ánýar Sarıev baq synaıdy» -dep habarlady basqarmanyń baspasóz qyzmeti.
Eske sala ketelik, budan buryn Atyraý oblysynan 7 sportshy Paralımpıadaǵa qatysatynyn, keıinnen taǵy bir paradzıýdoshysy joldamaǵa ıe bolǵanyn jazǵan edik.
