Paralımpıada jáne Sýrdlımpıada oıyndarynyń bolashaq júldegerlerin daıyndaý aqysy ósýi múmkin

ASTANA. KAZINFORM — Týrızm jáne sport mınıstrligi Paralımpıada jáne Sýrdlımpıada oıyndarynda medal alýǵa úmitker sportshylardydaıyndaýdyń aqysyn belgileıtin buıryq jobasyn kópshiliktiń talqylaýyna shyǵardy.

— Paralımpıadalyq jáne Sýrdlımpıadalyq oıyndarda medal alýǵa úmitker sportshylardy daıarlaýdy júzege asyratyn jattyqtyrýshy-keńesshilerge tólem mólsherin 5000 AQSh dollaryna deıin belgileý usynylady, — dep jazylǵan salystyrmaly kesteniń túsindirmesinde.

Bul jerdegi 5 myń dollar tólemniń eń joǵary mólsheri. Al eń tómengi mólsher 800 dollardan kem bolmaýy kerek.

Buıryq jobasy joǵary dárejeli sportshylarmen, joǵary dárejeli sportshylardy daıarlaýdy júzege asyratyn jattyqtyrýshylarmen jáne dene shynyqtyrý jáne sport salasyndaǵy mamandarmen jasalǵan sporttyq qyzmet týraly shart arqyly tólenetin aqshanyń mólsherine ózgeris pen tolyqtyrý engizýdi kózdeıdi. 

— Dene shynyqtyrý jáne sport týraly» Zań arqyly Paralımpıada jáne Sýrdlımpıada oıyndary Olımpıada oıyndarymen teń dárejedegi mártebege ıe boldy. Memleket ulttyq paralımpıadalyq jáne sýrdlımpıadalyq qozǵalystardy tanıdy jáne qoldaıdy, olarǵa paralımpıadalyq jáne sýrdlımpıadalyq sport túrlerin damytýǵa jan-jaqty kómek kórsetedi, — delingen baspasóz-relızde.

Eske salsaq, Astana qalasynyń ákimdigi Parıjdegi Paralımpıada oıyndarynda el qorjynyna medal salǵan sportshylarǵa qandaı syı-qurmet kórsetkeni belgili bolǵan edi.