Paralımpıada, sýrdlımpıada júldegerlerin daıyndaǵan jattyqtyrýshylar arnaıy tólem alady
ASTANA. KAZINFORM — Endi paralımpıadalyq jáne sýrdlımpıadalyq oıyndary jeńimpazdaryn daıyndaıtyn jattyqtyrýshy-keńesshilerge 800-den 5000 AQSh dollaryna deıin arnaıy tólem beriledi.
Týrızm jáne sport mınıstri 2025 jylǵy 3 sáýirdegi buıryǵymen joǵary deńgeıdegi sportshylar men olardy daıarlaýmen aınalysatyn jattyqtyrýshylar men mamandarmen sporttyq qyzmet týraly sharttar boıynsha tólem jasaý júıesine ózgerister engizdi.
Atap aıtqanda, joǵary deńgeıdegi sportshylardy daıarlaıtyn dene shynyqtyrý jáne sport salasyndaǵy jattyqtyrýshylar men mamandarǵa arnaıy tólem taǵaıyndalady. Olardyń qatarynda paralımpıadalyq jáne sýrdlımpıadalyq oıyndarda medal alýǵa úmitker sportshylardy daıyndaıtyn jattyqtyrýshy-keńesshiler bar. Olarǵa 800-den 5000 AQSh dollaryna deıin tólemder beriledi.
Buıryq bıyl 19 sáýirden bastap kúshine enedi.
Jyl basynda paralımpıada jáne sýrdlımpıada oıyndarynyń bolashaq júldegerlerin daıyndaý aqysy ósýi múmkin ekendigi týraly habarlaǵan edik.
Eske salsaq, byltyr Astana qalasynyń ákimdigi Parıjdegi Paralımpıada oıyndarynda el qorjynyna medal salǵan sportshylarǵa syı-qurmet kórsetti.