Paralımpıada oıyndarynyń alty dúrkin jeńimpazy 5 jylǵa sottaldy
ASTANA. QazAqparat - Ońtústik Afrıkadaǵy Pretorııa qalasynyń soty óziniń qurbysy Rıva Stenkampty óltirgeni úshin paralımpıadalyq jeńil atletshi Oskar Pıstorıýsty 5 jylǵa bas bostandyǵynan aıyrdy, dep habarlaıdy sheteldik BAQ.
2013 jylǵy 14 aqpanda túnde Pıstorıýs qurbysyn ury dep oılap, jabyq turǵan dárethana esigine birneshe ret oq atqan.
Sot seısenbi kúni Pıstorıýsqa qatysty is boıynsha ony birinshiden, zańsyz qarý saqtap, ony qoǵamdyq orynda qoldanǵany úshin jáne ekinshiden, abaısyzda kisi óltirgeni úshin aıyptady. Aıta keteıik, Oskar Pıstorıýs - paralıpıada oıyndarynyń alty dúrkin chempıony, ol kádimgi sporttyq jarystarǵa (ıaǵnı, tek múmkindigi shekteýli jandar sportyna ǵana emes) da qatysqan.
