Paralımpıada oıyndary-2024: Búgin qazaqstandyqtar eki sport túrinen saıysqa túsedi
ASTANA. KAZINFORM - Búgin, 29 tamyzda 2024 jylǵy Parıjde ótip jatqan Paralımpıada oıyndarynda qazaqstandyq sportshylar eki saıys túrinen jarys jolyna shyǵady.
Aldymen 13:20-da parataekvondodan Mılana Kravtseva el namysyn qorǵaıdy.
Al 20:00-de voleıboldy otyryp oınaýdan Qazaqstan quramasy Frantsııamen kezdesedi.
Qazaqstan quramasynyń sportshylary Parıj Paralımpıadasyna sporttyń 9 túrinen 33 lıtsenzııa jeńip aldy. Jarys 28 tamyz ben 8 qyrkúıek aralyǵynda ótedi.
Parıj Paralımpıadasyna voleıboldy otyryp oınaýdan ulttyq qurama 28 jyldan keıin alǵash ret qatyspaq. Al para ústel tennısinen Qazaqstan quramasy bıyl alǵash ret Paralımpıada joldamasyn jeńip aldy.
Eske salsaq, Qazaqstan para sportshylary buǵan deıin Paralımpıada oıyndarynda 2 altyn, 4 kúmis, 1 qola medaldy oljalaǵan bolatyn.
Jarys 28 tamyz ben 8 qyrkúıek aralyǵynda ótedi.
Aıta ketsek, 28 tamyzda 2024 jylǵy Paralımpıada oıyndary saltanatty túrde ashyldy.
