Paralımpıada oıyndary-2024: Búgin Qazaqstan sportshylary tórt sport túrinen saıysqa túsedi

ASTANA. KAZINFORM - Búgin, 31 tamyzda Parıjde ótip jatqan 2024 jylǵy Paralımpıada oıyndarynda qazaqstandyq sportshylar tórt saıys túrinen jarys jolyna shyǵady.

Aldymen para nysana kózdeýden 12:30-da Erkin Ǵabbasov jarys jolyna shyqsa, 15:00-de Sevda Álıeva saıysqa túsedi.

Al 13:08-de para jeńil atletıkada Gúlbaqyt Qaıyrjanova el namysyn qorǵaıdy.

Sondaı-aq para taekondodada 14:26-da Nurlan Dombaev,14:48-de Nyshan Ómiráli jaryssa, 17:00-de voleıboldy otyryp oınaýdan Qazaqstan quramasy Bosnııa jáne Gertsogovınamen kezdesedi.

Paralımpıada oıyndarynyń alǵashqy eki kúninde el quramasy qorjynyna júlde túsken joq.

Qazaqstan quramasynyń sportshylary Parıj Paralımpıadasyna sporttyń 9 túrinen 33 lıtsenzııa jeńip aldy.

Dúbirli doda 28 tamyz ben 8 qyrkúıek aralyǵynda ótedi.

Eske salsaq, Qazaqstan para sportshylary buǵan deıin Paralımpıada oıyndarynda 2 altyn, 4 kúmis, 1 qola medaldy oljalaǵan bolatyn.