Paralımpıada: Qytaı quramasy medal sany boıynsha kósh bastap keledi

BEIJІŃ. QazAqparat – Beıjińdegi qysqy Paralımpıadanyń ekinshi jarys kúniniń qorytyndysy boıynsha Qytaı quramasy medal sanynan kósh bastap keledi. Ótken jeksenbide segiz marapat oınatylyp, qytaılyq paralımpıadashylar segizin jeńip aldy, onyń ishinde tórt «altyn», dep habarlaıdy QazAqparat menshikti tilshisi.

Medal sany boıynsha Qytaı quramasy alty altynmen, tórt kúmispen jáne alty qolamen birinshi orynǵa shyqty.

Ekinshi orynda Ýkraına quramasy (3-3-1), úshinshi orynda – Japonııa (2-0-2).

Jarystyń úshinshi kúninde, 7 naýryzda snoýbordtan birinshi marapat jıyntyǵy oınatylady.

Chjantszıakoýda shańǵy sportynan ulttyq ortalyqta alǵash ret kózi nashar kóretin shańǵyshylar jarysqa qatysady.

Beıjińde aýa raıynyń birden jylynýyna baılanysty para taý shańǵysy sportynan sýperkombınatsııa dıstsıplınasy keıinge shegerildi.

Jarystyń úshinshi kúni Qazaqstan quramasynan eshkim óner kórsetpeıdi. Qazaqstandyq sportshylar seısenbi, 8 naýryzda parabıatlonǵa (10 km) qatysady.