Paralımpıada: Qazaqstandyq sportshylardyń jarys kestesi jarııalandy

NUR-SULTAN. QazAqparat - Japonııada 24 tamyzdan bastalatyn Paralımpıadaǵa attanǵan qazaqstandyq sportshylardyń jarys kestesi jarııalandy, dep habarlaıdy QazAqparat QRUlttyq Paralımpıada komıtetiniń telegram kanalyna silteme jasap.

Paralımpıada jarystarynyń tolyq kestesin myna jerden kórýge bolady.

Eske salsaq, 20 tamyzda QR Ulttyq Paralımpıada qurama komandasy Tokıo qalasyna attandy.

XVI jazǵy Paralımpıada oıyndary 24 tamyz – 5 qyrkúıek aralyǵynda ótedi.

Bul synǵa Qazaqstannyń atynan 25 paralımpıadashy qatysyp, sporttyń 7 túri boıynsha el namysyn qorǵaıdy.

Atap aıtqanda Qazaqstan tarapynan: Sııazbek Dalıev, Nurálı Sovetqanov, Zýlfııa Gabıdýlına, Roman Agalakov, Alııa Rahymbekova, Nurdaýlet Jumaǵalı, Erjan Sálimgereev (para júzý), Dastan Muqashbekov, Saltanat Ábilqasymqyzy (para jeńil atletıka), Amanjol Janbota, Zarına Baıbatına, Dáýlet Temirjan, Daıana Fedosova, Anýar Sarıev, Ǵalymjan Smaǵululy (para dzıýdo), Spataı Bıbarys (para kanoe), Nurlan Dombaev, Nyshan Ómiráli, Kámılıa Dosmalova (para taekvondo), Davıd Degterev, Raýshan Qoıshybaeva, Rahmedjan Hamaev, Gúlbaný Abdyhalykova, Alına Solodýhına (para paýerlıftıng) jáne Aısulý Jumabaeva (para nysana atý) qatysady.

Sonymen qatar, elimizde «Qazaqstannyń Paralımpıada sportyn qoldaımyz» chellendji bastaldy.

QR Prezıdenti Qasym-Jomart Toqaev Qazaqstan Ulttyq paralımpıada qurama komandasynyń múshelerimen kezdesip, sportshylarymyzdyń ónerin búkil halqymyz tamashalap, jankúıer bolatynyn aıtty.