Paralımpıada: Qazaqstandyq dzıýdoshy Zarına Baıbatına kúmis júldeger atandy

NUR-SULTAN. QazAqparat – Tokıoda ótip jatqan Paralımpıada oıyndarynda qazaqstandyq dzıýdoshy Zarına Baıbatına kúmis júldege ıe boldy, dep habarlaıdy QazAqparat tilshisi.

Qazaqstandyq dzıýdoshy 70 kg astam salmaqta fınalda ázerbaıjandyq Dýrsadaf Karımovamen altyn júldeni sarapqa saldy.

Bul básekede ázerbaıjandyq balýan ıppon ádisimen jeńiske jetti.

Taǵy bir qazaqstandyq Janbota Amanjol 90 kelige deıingi salmaqta qola júlde úshin básekede frantsııalyq Gelıos Lachýmanaıadan ıpponmen utylyp qaldy.

Osylaısha paradzıýdodan Qazaqstan quramasy úsh kúmis júldeni jeńip aldy. Osyǵan deıin Ánýar Sarıev pen Temirjan Dáýlet óz salmaqtarynda ekinshi orynǵa kóterilgen bolatyn. Bul – úlken jetistik.

Sondaı-aq paýerlıftıngten Davıd Degtıarev paralımpıada chempıony atandy.

Eske sala keteıik, budan buryn Zarına Baıbatınanyń fınalǵa shyqqanyn jazǵan bolatynbyz.

QazAqparat. Batys Qazaqstan.