Paralımpıada: Qazaqstandyq dzıýdoshy Zarına Baıbatına fınalǵa shyqty

NUR-SULTAN. QazAqparat – Tokıoda ótip jatqan Paralımpıada oıyndarynda qazaqstandyq dzıýdoshy Zarına Baıbatına fınalǵa shyqty, dep habarlaıdy QazAqparat tilshisi.

Qazaqstandyq dzıýdoshy 70 kg astam salmaqta sońǵy synda ázerbaıjandyq Dýrsadaf Karımovamen tatamıge shyǵyp, altyn júlde úshin talasady.

Zarına jartylaı fınalda ıtalııalyq Karolına Kostamen beldesti. Bul kezdesýde ol qarsylasyn ıppon ádisimen taza jeńdi.

Sóıtip ol Qazaqstan qorjynyna taǵy bir medaldi saldy.

Eske sala keteıik, budan buryn qazaqstandyq dzıýdoshy Ánýar Sarıevtiń kúmis júldeger atanǵanyn jazǵan bolatynbyz.

Sondaı-aq Temirjan Dáýlet kúmis medal aldy.

Odan buryn Davıd Degtıarev paýerlıftıngten altyn júldeni jeńip alǵan bolatyn.

Osylaısha Qazaqstan paralımpıada tarıhynda qazirdiń ózinde úzdik kórsetkishine qol jetkizip otyr.