Paralımpıada-2024: Búgin qazaqstandyqtar úsh sport túrinen saıysqa túsedi
ASTANA. KAZINFORM - Búgin, 6 qyrkúıekte Parıjde ótip jatqan 2024 jylǵy Paralımpıada oıyndarynda qazaqstandyq sportshylar úsh saıys túrinen jarys jolyna shyǵady.
Para júzýden 12:45-te Sııazbek Dálıev, 14:11-de Zýlfııa Gabıdýllına el namysyn qorǵaıdy.
Al 13:00-de paradzıýdodan Erǵalı Shámeı Armındo Rodrıges (Frantsııa) pen ıÝdjı Kato (Japonııa) jubynyń jeńimpazymen kezdesse, Daıana Fedosova men brazılııalyq Da Sılva Teısheıra Araýho, Aıala Mereke japonııalyq Kazýsa Ogavamen sheberlik baıqasady.
Sondaı-aq para kanoe 13:10-de Beıbarys Sypataı, 13:30-de Jańyl Baltabekova saıysqa túsedi.
Aıta ketsek, Paralımpıadanyń segizinshi jarys kúninen keıin Qazaqstan quramasynyń qorjynynda 2 altyn, 2 kúmis, 1 qola júlde bar.
Aıta keteıik, Qazaqstan quramasynyń sportshylary Parıj Paralımpıadasyna sporttyń 9 túrinen 33 lıtsenzııa jeńip aldy.
Dúbirli doda 28 tamyz ben 8 qyrkúıek aralyǵynda ótedi.
