Paralımpıada-2018: Kolıadın Nıkolaı Chebotkoǵa alǵys aıtty

ALMATY. QazAqparat - Aleksandr Kolıadın Paralımpıadalyq oıyndarynda jeńis tuǵyryna kóterilip, altyn medalmen marapattaldy. Saltanatty marapattaýdan soń chempıon óz qýanyshymen bólisti, dep habarlaıdy QazAqparat tilshisi.

«Qoldaý bildirgen qazaqstandyqtarǵa úlken rahmet. Phenchhandaǵy trassa óte yńǵaıly, jarys joǵary deńgeıde ótti. Nıkolaı Chebotkoǵa alǵysym sheksiz. Ol maǵan balshyqta syrǵanaıtyn shańǵy berdi. Osynyń arqasynda men jeńiske jettim», - dedi Aleksandr Kolıadın.

45 jastaǵy sportshy shańǵy sportymen 12 jasynan bastap aınalysa bastaǵan. 1997 jyly qaıǵyly jaǵdaıǵa dýshar bolyp 3 dárejeli múgedektik aldy. Osydan soń Aleksandrǵa sporttan ýaqytsha qol úzýge týra kelgen.

2013 jyly para-shańǵy sportyna kelgen, 2014 jyldan bastap  Vasılıı Kolomıetstiń bapkerliginde jattyǵyp keledi.

Aleksandr Kolıadın 2014 jyly ótken Paralımpıada oıyndarynda da óner kórsetken.

Aıta keteıik, Qazaqstan Paralımpıada oıyndarynyń ulttyq quramasy Phenchhan-2018 Olımpıada oıyndarynda jalpykomandalyq esep boıynsha 13-orynǵa taban tiredi.

Buǵan  shańǵyshy Aleksandr Kolıadınniń  1,5 km qashyqtyqqa spırnterlik júgirý boıynsha Qazaqstan qorjynyna salǵan alǵashqy «altyny» septigin tıgizdi.

Jalpy esep boıynsha AQSh quramasy 8 altyn, 6 kúmispen AQSh alda kele jatyr. Barlyǵy 22 eldiń sportshysy qazir medal ıegeri atanyp otyr.