Paralımpıada-2018: Qazaqstandyq bıatlonshy altynshy oryn aldy

ASTANA. QazAqparat - Qazaqstan quramasynyń múshesi Aleksandr Gerlıts Phenchhandaǵy Paralımpıada oıyndarynda bıatlonnan 12,5 shaqyrymda 6-oryndy aldy, dep habarlaıdy «SPORTINFORM» SAA.

Gerlıts atys shebinde 6 ret qatelesip, jarys jolyn 40 mınýt 51 sekýnd nátıjemen aıaqtady.

Birinshi oryndy frantsııalyq Bendjamın Davet aldy, ýkraınalyq Igor Reptıýk ekinshi, Kanada ókili Mark Arendz úshinshi boldy.

Al para-bıatlon jarysynda jerlesimiz Sergeı Ýsoltsev 11-orynmen shekteldi.

Eske sala keteıik, shańǵy jarysynda Aleksandr Gerlıts tórtinshi oryndy alyp, 1994 jyldan bergi qazaqstandyq paralımpıadashylardyń eń joǵary  nátıjesine qol jetkizgen bolatyn.