Paralımpıada-2018: Qazaqstan jalpy esepte 13-orynǵa kóterildi

ASTANA. QazAqparat - Ońtústik Koreıanyń Phenchhan qalasynda ótip jatqan Paralımpıada oıyndarynda shańǵyshy Aleksandr Kolıadın altyn medal jeńip alǵaǵnnan keıin, Qazaqstan quramasy jalpy esepte birden 13-shi orynǵa kóterildi, dep habarlaıdy QazAqparat tilshisi.

Búgin el qorjynyna qysqy Paraolımpıada tarıhyndaǵy alǵashqy altyn medal buıyrǵan bolatyn. Sonyń nátıjesinde Qazaqstan quramasy jalpy esepte birden 13-shi orynǵa kóterildi.

Al ázirge medaldar kórsetkishi boıynsha AQSh 8 altyn, 6 kúmis, 6 qola medalmen kósh bastap keledi. Al Reseı quramasy 6 altyn, 6 kúmis, 4 qola medalmen ekinshi orynda kele jatsa, úzdik úshtikti Ýkraına sportshylary túıindep tur. Olardyń enshisinde 5 altyn, 4 kúmis, 7 qola medal bar.

Esterińizge sala keteıik, osyǵan deıin taǵy bir qazaqstandyq shańǵyshy Aleksandr Gerlıtske qola medalǵa synyq súıem jetpeı qalǵan bolatyn. Ol máre syzyǵyn júldegerlerden 43 sekýnd keıin basyp ótip, 4-shi orynǵa ıe boldy.

Foto: spv.sk