Paralımpıada-2018: Qazaqstan týy kóterildi

ASTANA. QazAqparat - Ońtústik Koreıanyń Phenchhan qalasynda bastalǵan paralımpıada oıyndary aıasynda Qazaqstannyń týyn kóterý rásimi ótti, dep habarlaıdy QazAqparat Ulttyq paralımpıada komıtetiniń baspasóz qyzmetine silteme jasap.

Bul qazaqstandyq sport delegatsııasy XII qysqy Paralımpıada oıyndaryna resmı túrde kelgenin bildiredi. Іs-sharaǵa QR Ulttyq paralımpıadalyq komıtetiniń tóraǵasy Qaırat Boranbaev, QR Mádenıet jáne sport mınıstrliginiń ókilderi, paralımpıada quramasynyń sportshylary, jattyqtyrýshylar qatysty.
 
«Tý kóterý rásiminde syılyqtar almasýdyń qalyptasqan dástúri bar. Qazaqstan Respýblıkasynyń Paralımpıadalyq ulttyq park komıtetiniń prezıdenti Qaırat Boranbaev pen Paralımpıada komandasynyń sportshysy Denıs Petrenko Paralımpıada aýylynyń merine kádesyı syılady.

Búgin Ońtústik Koreıanyń Phenchhan qalasyndaǵy Olımpıadalyq stadıonda 2018 qysqy Paralımpıadalyq oıyndarynyń alaýy tutanady. Onda 6 sport túrinen 80 medal jıyntyǵy sarapqa salynady. Paralımpıada oıyndary 9-18 naýryz aralyǵynda ótedi.

Esterińizge sala keteıik, osyǵan deıin paraolımpıada oıyndarynda Qazaqstan namysyn 6 sportshy qorǵaıtyny týraly aıtqan bolatynbyz.