Paraqorlyq: Іzdeýde júrgen qazaqstandyq Grýzııadan elge qaıtaryldy
ASTANA. KAZINFORM — Bas prokýratýra men Іshki ister mınıstrliginiń Interpol Ulttyq Ortalyq bıýrosynyń qyzmetkerleri, Qazaqstannyń Grýzııadaǵy elshiliginiń qoldaýymen atalǵan elden para bergeni úshin qylmystyq jaýaptylyqqa tartýǵa Qazaqstan azamatyn ekstradıtsııalady.
Bas prokýratýranyń baspasóz qyzmetiniń málimetinshe, tergeý barysynda atalǵan adam jeke kásipker bolyp, polıtsııa qyzmetkerine qylmystyq jaýaptylyqtan jaltarý jáne onyń massaj salonynyń odan ári kedergisiz jumys isteýin qamtamasyz etý maqsatynda aqshalaı syıaqy bergeni anyqtaldy.
— Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan. 2026 jylǵy naýryzda ol Rýstavı qalasynda ustalyp, Qazaqstan Bas prokýratýrasynyń suraýymen elge ekstradıtsııalandy. Qazirgi ýaqytta kúdikti tergeý ızolıatoryna qamaldy, — delingen habarlamada.
Aıyp taǵylǵan qylmystar úshin múlki tárkilenip, 7 jylǵa deıin bas bostandyǵynan aıyrý jazasy kózdelgen.
Osydan buryn alaıaqtyq jasaǵany úshin halyqaralyq izdeýde júrgen er adam Óskemende ustalǵanyn jazdyq.
