Parakanoedan Azııa chempıonaty: Qazaqstandyqtar eki medal oljalady
TÚRKІSTAN. QazAqparat -21 qazan kúni Ózbekstannyń Samarqand qalasynda múmkindigi shekteýli jandar arasynda parakanoedan (baıdarka men kanoeda esý) Azııa chempıonaty ótti, dep habarlaıdy QazAqparat tilshisi.
Jarysqa Azııanyń 6 elinen - Qazaqstan, Ózbekstan, Iran, Japonııa, Úndistan jáne Taılandtan 66 para-esýshi qatysty.
Baıraqty dodanyń qorytyndysy boıynsha, Qazaqstan quramasy 1 kúmis jáne 1 qola medal ıelendi.
KL-3 (200 metrge) sanatynda «kúmisti» Jalǵas Taıkenov jeńip aldy. KL-2 (200 metr) sanatynda «qolany» Bıbarys Spataı oljalady.
Áıelder arasynda KL-2 (200 metr) sanatynda Jańyl Baltabaeva júldeli orynǵa bir taban jaqyn bolyp, nátıjesinde tórtinshi orynǵa taban tiredi.
Aıta keteıik, para-atletter Túrkistan oblysynan qatysýda.
2019 jyly ótetin Álem chempıonatynda 2020 jylǵy Paralımpıada oıyndaryna (2020 jylǵy) joldamalar oınatylady.
