Paragvaıdan munaı qory tabyldy
ASTANA. 2 jeltoqsan. QazAqparat - Elde júrgizlen uzaq zertteýlerden keıin Paragvaı prezıdenti Federıko Franko munaı kenishi tabylǵany týraly resmı málimdeme jasady, dep habarlady MIGnews.com.
Frankonyń pikirinshe, kelesi jyldyń birinshi jartysynda-aq Paragvaı munaı óndiretin elderdiń qataryna qosylmaq.
Kenish Bokeron okrýginde Pırıtı ózeniniń saǵasynan, el astanasy Asýnsonnan soltústik-batysqa qaraı 500 shaqyrym jerde, Argenıına shekarasynyń mańynda tabylǵan.
Pırıtı ózeni saǵasy mańynda geologııalyq barlaý jumystaryn Crescent Global Oil jáne Pirity Hidrocarburo (ekeýi de amerıkandyq kompanııa) júrgizgen. Ázirge kenishtegi munaı qorynyń kólemi qupııa ustalýda.
