Paragvaıda «Tolyq arý - 2014» baıqaýy ótti
ASTANA. QazAqparat - Paragvaıda «Tolyq arý - 2014» baıqaýy ótti. Maqsat salmaǵy aýyr áıelderdiń ózine degen senimin arttyrý, dep habarlady ITAR-TASS.
Aqtyq synda 15 qatysýshy básekelesti. Olardyń árqaısysynyń salmaǵy 100 keliden astam. Alaıda bul olardyń bıik óksheli aıaq kıim men ashyq kóılek kıip podıýmmen júrýlerine kedergi keltirmedi. Qazylar alqasy 24 jastaǵy mýzyka pániniń oqytýshysy Monserrat Monhesti jeńimpaz dep tapty. Sondaı-aq ol psıholog mamandyǵynyń qyr-syryn meńgerýde.
"Paragvaıda «Tolyq arý» uıymdastyrý ońaı emes, - deıdi sharany uıymdastyrýshy Mıkael Beras. - Artyq salmaqtan zardap shegip júrgen erler men áıelder turatyn elde olardy kemsitýshilik oryn alyp jatady». Paragvaı densaýlyq saqtaý mınıstrliginiń málimetinshe, bul elde artyq salmaqty azamattardyń úlesi 57,6%. Turǵyndardyń tórtten bir bóligi - 6,5 mln. turǵyn semizdikten japa shegýde.
