Paragvaıda polıtsııa 10 jastaǵy júkti qyzǵa túsik jasaýǵa tyıym saldy
ASTANA. QazAqparat - Paragvaıda óziniń 10 jastaǵy ókil qyzyn zorlady degen kúdikpen onyń ógeı ákesi ustaldy, dep jazady «VVS».
Qazir jasóspirim qyzdyń júktilik merzimi bes aıǵa tolǵan. Oǵan túsik jasaýǵa tyıym salyndy. Paragvaı zańy boıynsha, ana ómirine qaýip tónbegen jaǵdaıda túsik jasaý qylmystyq is bolyp tabylady. Eldiń densaýlyq saqtaý mınıstri Antonıo Barros qyzdyń densaýlyq jaǵdaıy jaqsy ekenin, oǵan túsik jasaý kesh ekenin málimdedi. Alaıda, áıelder quqyǵyn qorǵaýshylar qyz týý úshin áli tym jas ekenin aıtty. Onyń júkti ekeni anasy qyzynda isik bar dep kúmándanyp aýrýhanaǵa ákelgen kezde belgili boldy. Jyl saıyn 70 mln halqy bar Paragvaıda 14 jastan kishi 600-ge jýyq jasóspirim júkti bolady.
