Paragvaıda 11 jasar qyz ana atandy
ASTANA. QazAqparat - Paragvaıda ógeı ákesi zorlady dep shamalanyp otyrǵan 11 jasar qyz bala el bıligi oǵan jasandy túsik jasatýdy ruqsat etpegen soń, bosanýyna týra keldi.
Dárigerler qyz bala men kesar tiliginiń kómegimen ómirge kelgen náresteniń densaýlyǵy jaqsy ekenin habarlap otyr.
Bul oqıǵa Paragvaı jurtshylyǵynyń jaǵasyn ustatty. Áıelder quqyqtary úshin kúresýshiler qyz balanyń ana atanýy úshin tym jas ekenin aıtqan.
Alaıda bılik kózderi onyń júktiliginiń tym úlken merzimde anyqtalyp, jasandy túsik jasatý óte kesh bolǵanyn málimdegen.
Paragvaı zańy boıynsha, jasandy túsik - qylmys, ony ananyń ómirine qaýip tónip turǵan jaǵdaıda ǵana jasatýǵa bolady.
Qyz bala 10 jasynda júkti boldy. Onyń 42 jastaǵy ógeı ákesi túrmege qamalyp, sot sheshimin kútip otyr. Ol óz kinásin moıyndamaýda.
