Parafıskaldyq tólemder baqylaýdan tys qalyp otyr – Smaıylov
ASTANA. KAZINFORM – Bıýdjet protsesine engizilgen bıýdjetten tys qorlar týraly tıisti derekter joq. Bul týraly Májilistiń jalpy otyrysynda 2025 jylǵy respýblıkalyq bıýdjettiń atqarylýy týraly esep bergen Joǵary aýdıtorlyq palatanyń tóraǵasy Álıhan Smaıylov aıtty.
– 2025 jyly bıýdjet protsesine bıýdjetten tys qorlar engizildi. Alaıda, olardyń naqty sany týraly tolyqqandy esep pen tıisti derekter joq, - dedi Álıhan Smaıylov.
Joǵary aýdıtorlyq palata tóraǵasy bıýdjettiń atqarylýy týraly esepte tórt bıýdjetten tys qor boıynsha aqparattyń kórsetilýi jetkiliksiz dep esepteıtindikterin basa aıtty.
– Olardyń qyzmetiniń nátıjeliligine jáne bıýdjetten tys aǵyndardyń ashyqtyǵyna tolyqqandy baǵalaý jasalmady. Parafıskaldyq tólemder tıisti baqylaýdan tys qalyp otyr. Olar bıýdjettik júıeden tys júredi, jáne tıimdiligi baǵalanbaıdy, - dedi ol.
Aıta keteıik, Májilistiń jalpy otyrysynda QR Úkimetiniń jáne Joǵary aýdıtorlyq palatanyń 2025 jylǵy respýblıkalyq bıýdjettiń atqarylýy týraly esepteri talqylanyp jatyr.
