Paradzıýdoshy Oljas Orazalyuly Qazaqstan qorjynyna tórtinshi altyndy saldy
Qytaıdyń Hanjchoý qalasynda ótip jatqan Azııa para oıyndarynda qazaqstandyqtar taǵy bir altyn jáne kúmis júldege qol jetkizdi, dep habarlaıdy Kazinform.
Paradzıýdodan álem chempıony Oljas Orazalyuly J2 sanaty boıynsha 73 kelige deıingi salmaqta qarsylas shydatqan joq.
Qazaqstandyq paradzıýdoshy fınaldyq básekede Tokıo paralımpıadasynyń jeńimpazy, ózbekstandyq Ferýz Saııdovtan (Ózbekstan) aılasyn asyrdy.
Osylaısha Qazaqstan qorjynyna tórtinshi altyn medal tústi.
Sondaı-aq parataekvondoshy, 2021 jylǵy álem chempıonatynyń qola júldegeri Kamıla Dosmalova K44 sanaty boıynsha 57 kelige deıingi salmaqta sońǵy básekede ırandyq Roza Ebrahımıge ǵana jol berip, kúmisti qanaǵat tutty.
Eske sala keteıik, budan buryn parasportshy Aqmaral Naýatbektiń Azıada chempıony atanǵanyn jazǵan bolatynbyz.
Sondaı-aq Davıd Degtıarev Qazaqstan qorjynyna taǵy bir altyndy saldy.
Búgin Azııa paraoıyndarynda Qazaqstan taǵy úsh medal jeńip aldy.
