Paradzıýdodan álem chempıonatynyń birinshi kúninde el qorjynyna 4 medal tústi
ASTANA. QazAqparat - Paradzıýdodan álem chempıonatynyń birinshi kúninde Qazaqstan sportshylary 4 medal jeńip aldy, dep habarlaıdy QazAqparat.
Bakýde ótken para dzıýdodan álem chempıonatynyń birinshi kúninde Qazaqstan qorjynyna 2 «altyn» jáne 2 «qola» júlde tústi.
Kazaqstanǵa alǵashqy altyndy J-2 -48 kg salmaq dárejesinde óner kórsetken Aqmaral Naýatbek syılady.
Aqmaral fınalda Frantsııanyń sportshysy Aýrıeres Martınet Sandrınmen kezdesip, ıpponmen taza jeńiske jetti.
Elimizge ekinshi altyndy 73 kelige deıingi salmaq dárejesinde synǵa túsken Erǵalı Shameı ákeldi. Ol fınaldyq beldesýde nemis sportshysy Sass Lennartti 1:0 upaıymen jeńip, birinshi orynǵa ıe boldy.
Al qazaqstandyq paradzıýdoshylar Daıana Fedosova ( -57 kg) men Oljas Orazalyuly (-73 kg) álem chempıonatynyń qola júldegerleri atandy.
Aıta keteıik, paradzıýdodan álem chempıonaty Bakýde 8-11 qarasha aralyǵynda ótýde. Jarysta 41 memleketten 270 sportshy synǵa túsedi.
Baıraqty básekede Qazaqstan ulttyq quramasynan 18 sportshy el namysyn qorǵaıdy.
