Paradzıýdodan álem chempıonaty: Qazaqstan qorjynynda úshinshi «qola»
BAKÝ. QazAqparat – Amanjol Janbota 90 kelige deıingi salmaq dárejesinde paradzıýdodan álem chempıonatynyń qola júldegeri atandy. Jarys Ázerbaıjan astanasynda ótip jatyr, dep habarlaıdy QazAqparat menshikti tilshisi.
90 kelige deıingi salmaq dárejesinde (J2) bizdiń tatamı sportshymyz Germanııa ókili Goral Danıelmen kezdesti. Amanjol qarsylasyn Ippon ádisimen jeńdi.
A.Janbotanyń jeńisiniń arqasynda ulttyq quramanyń qorjynyna taǵy bir medal qosyldy.
Búgingi jarysta qolaǵa úmitker Baýyrjan Arystanbekov tóreshiden 3 shıdo alyp, chempıonatty 5-orynda aıaqtady.
Qazaqstandyq sportshylar 8 qarashada 4 medal jeńip alǵan bolatyn: 2 – altyn, 2 – qola.
10 qarashada qorytyndy komandalyq jarys ótedi, oǵan bizdiń quramadan 6 jup dzıýdoshy qatysady.
