Paradzıýdodan álem chempıonaty: Qazaqstan qorjynyna taǵy bir «altyn» tústi
ASTANA. QazAqparat – Ázerbaıjan astanasy Baký qalasynda paradzıýdodan ótip jatqan Álem chemıponatynda Qazaqstan qorjynyna taǵy bir altyn júlde tústi, dep habarlaıdy QazAqparat tilshisi.
Bul joly 73 keli salmaqta baq synaǵan otandasymyz Erǵalı Shameı J1 sanatynda chemıpon atandy.
Bul - Qazaqstannyń osy birinshiliktegi ekinshi «altyny». Al Qazaqstan tarıhynda paradzıýdodan Álem chempıonatynyń úshinshi altyn medali qorjynǵa túsip otyr.
Buǵan deıin Bakýdegi Álem chempıonatynda 48 keli salmaq boıynsha Qazaqstan namysyn qorǵaǵan Aqmaral Naýatbek aqtyq beldesýde frantsııalyq Aýrerıes Martınet Sandrındi jeńip, chempıon atanǵanyn jazǵan edik.
Aıta keteıik, atalǵan baıraqty básekede álemniń 40 elinen 300-den astam sportshy baq synap jatyr.
