Paradzıýdodan ÁCh Qazaqstan komandalyq qola júldege ıe boldy

BAKÝ. QazAqparat – Bakýde aıaqtalǵan álem chempıonatynda paradzıýdoshylardyń erler komandasy qola medalin qanjyǵaǵa baılady. Qazaqstandyqtar álemniń úzdikteri Brazılııany 4:2 esebimen jeńip, jartylaı fınalǵa shyqty, dep habarlaıdy QazAqparat tilshisi.

Jartylaı fınalda Ázerbaıjan komandasyna ese jiberip, qola júlde úshin kezdesýde IBSA qurama komandasyna eshqandaı múmkindik qaldyrmady.

Oljas Orazalyuly, Temirbolat Tashekenov, Erlan Konkıev jáne Amanjol Janbota óz qarsylastaryn es jıǵyzbaı ıppon ádisimen taza jeńip, tarıhymyzda alǵash ret komandalyq qola medal syılady.

«Bul jetistik - eren eńbektiń jáne elimizdegi sportty qoldaýynyń nátıjesi» - dep quramanyń bas bapkeri Jandos Qııanov.

Eske sala keteıik, komandalyq saıysta 2019 jyly Qazaqstan quramasy Azııa chempıony atanǵan bolatyn.

Sonymen qatar IBSA ulttyq quramasynyń sapynda otandasymyz Alfııa Tilekqabyl (J1 -57 kg) komandalyq jarysta qola medal jeńip aldy.

IBSA komandasyna óz quramasynan adam sany jetkiliksiz bolǵan sportshylar kirdi.

Komandalyq jarys jeńimpazdary Ýkraına bolsa, kúmis Brazılıa qyzdarynda.

Buǵan deıin qorytyndy komandalyq jarys ótetini jáne oǵan bizdiń quramadan 6 jup dzıýdoshy qatysatyny týraly habarlandy.

Avtor: Serikbol Qoshmaǵanbetov