Paradqa qatysýshylar úshin shatyrly lagerde ýaqytsha saılaý ýchaskesi ashyldy (FOTO)
ASTANA. QazAqparat - Paradqa qatysýshy áskerı qyzmetshiler ashyq jáne jabyq saılaý ýchaskelerinde tańǵy 8-ge deıin 100 paıyz daýys berýge qatysty, dep habarlady QR Qorǵanys mınıstrliginiń baspasóz qyzmeti.
Shatyrly lagerde kýrsanttar, kadetter jáne merzimdi qyzmettiń áskerı qyzmetshileri úshin № 182 jabyq saılaý ýchaskesi ornalastyrylǵan. Osy jáne basqa da jerlerde daýys berýdiń zańdylyǵy men ashyqtyǵyn Ortalyq saılaý komıssııasynyń ókilderi men táýelsiz baqylaýshylar qadaǵalaýda. Sonymen qatar, lagerde ornalasqan ofıtserler men kelisimshart boıynsha áskerı qyzmetshiler de Astana qalasynda bólingen saılaý ýchaskelerinde esepten shyǵarý talondarymen daýys berdi.
Baqylaý maqsatynda Qurlyq áskerleri bas qolbasshysy basqarmasy janynan QR Prezıdentiniń saılaýy boıynsha aqparat jınaý jónindegi ortalyq qurylǵan. Osy jerge saǵat saıyn shatyrly lagerdegi daýys berý barysy týraly barlyq aqparat leg-legimen kelip túsip otyrdy.
Osylaısha, Qazaqstannyń barlyq óńirlerinen kelgen 4000-ǵa jýyq áskerı qyzmetshi ózderi turǵylyqty turatyn jáne áskerı bólimderi ornalasqan jerlerden jyraqta bolǵanyna qaramastan saılaýǵa qatysyp, óz azamattyq ustanymyn bildirýge tolyq múmkindik aldy.
Qazirgi sátte daýys berý aıaqtaldy. Qazaqstannyń barlyq óńirlerindegi áskerı qyzmetshiler óz saılaý ýchaskelerine kelý belsendiliginiń joǵary ekenin baıqatty. Sondaı-aq QR Qarýly Kúshteriniń áskerı bólimderi, qurylymdyq bólimsheleri men mekemeleri Qazaqstan Prezıdentiniń saılaýynda daýys berýge júz paıyzdyq qurammen qatysty.
Astana ýaqyty boıynsha tańerteńgi saǵat 7.45-te 9 761 áskerı qyzmetshi 21 saılaý ýchaskesinde daýys bergenin atap ótken jón.
