Paradan bas tartqan polıtsııaǵa syıaqy beriledi
ORAL. QazAqparat - 14 naýryz kúni Aqsaı qalasyndaǵy Bórli aýdandyq ishki ister bóliminiń ǵımaratynda jol-patrýldik polıtsııa vzvodynyń qyzmetkeri, polıtsııa serjanty A.Óteshevke 150 myń teńge kóleminde para bermekshi bolǵan 1988 jylǵy S. degen azamat ustaldy.
Oblystyq ІІD-niń baspasóz qyzmetinen túsken málimetke qaraǵanda, atalǵan turǵyn osylaısha QR Ákimshilik quqyqbuzýshylyq kodeksi 608-baby 1-bólimine (avtokólikti mas kúıinde aıdaý) sáıkes qozǵalǵan ákimshilik is materıalyn sotqa joldamaýdy sheshpekshi bolǵan.
Kúdiktige qatysty QR QK 367-baby 2-bólimi (para berý) boıynsha qylmystyq is qozǵaldy.
Sybaılas jemqorlyqpen kúreste tabandylyq tanytqany úshin A.Óteshev syıaqymen yntalandyrylatyn bolady.
