Paraatletter álemdik Gran-prı týrnırinde 6 júlde jeńip aldy

NUR-SULTAN. QazAqparat - 23-30 maýsym aralyǵynda Týnıste para jeńil atletıkadan álemdik Gran-prı serııasynyń týrnıri ótti. Jarysqa 25 memleketten 300-ge jýyq sportshy qatysty, dep habarlaıdy QazAqparat.

Bul - 2024 jyly Parıjde ótetin Paralımpıada oıyndarynyń aldyndaǵy iri reıtıngtik jarys.

Baıraqty básekede qazaqstandyq sportshylar sátti óner kórsetip, 6 júldeli orynǵa ıe boldy:

1 oryn - Saltanat Ábilhasymqyzy (200 m qashyqtyqqa júgirý);

1 oryn – Ravıl Mansýrbaev (ıadro ıterý);

2 oryn - Rýfat Habıbýlın (100 m qashyqtyqqa júgirý);

3 oryn - Rýfat Habıbýlın (naızany laqtyrý);

3 oryn – Dastan Mýkashbekov (ıadro ıterý);

3 oryn – Saltanat Ábilhasymqyzy (100 m qashyqtyqqa júgirý).

«Gran-prı jarystaryna Qazaqstan tarapynan 7 sportshy qatysty. Sportshylardyń daıyndyǵy joǵarǵy deńgeıde boldy. Bul jarysta 6 júldege qol jetkizdik. Onyń ishinde Saltanat Ábilhasymqyzy, Ravıl Mansýrbaev, Dastan Mýkashbekov pen Rýfat Habıbýlın laıyqty óner kórsetip, Para Azııa oıyndaryna irikteýden ótti», – deıdi dene múmkindigi shekteýli tulǵalarǵa arnalǵan sporttyq daıarlaý ortalyǵynyń komanda basshysy Máýlen Násipqalı.

Sýret: seovalley.com