Para jeńil atletıka halyqaralyq chempıonaty: Qazaqstanda qos júlde bar
NUR-SULTAN. QazAqparat - Qazaqstandyq parasportshylar halyqaralyq para jeńil atletıka chempıonatynan eki júldege ıe boldy, dep habarlaıdy QazAqparat Ulttyq paralımpıada komıtetine silteme jasap.
24-26 sáýir kúnderi Morokkonyń Marrakesh qalasynda halyqaralyq paralımpıadalyq komıtet uranymen para jeńil atletıkadan halyqaralyq chempıonat ótti.
«Halyqaralyq chempıonattan bizdiń atletter altyn jáne kúmisten alqa taqty. Rýfat Habıbýllın naıza laqtyrýdan altyn medaldy qanjyǵasyna baılasa, Dastan Muqashbekov dısk laqtyrýdan kúmis júldege ıe boldy» - dep habarlaıdy paralımpıada komıteti.
