Para voleıboldan álem chempıonaty: Qazaqstan jartylaı fınalǵa joldama aldy
ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan álem chempıonatynda Qazaqstan quramasy jartylaı fınalǵa shyqty.
Qazaqstandyq paravoleıbolshylar shırek fınalda Rýanda komandasyna tap keldi.
Rýanda 1/8 fınalda Qytaı quramasyn utyp, sensatsııa jasaǵan edi. Degenmen Baýyrjan Tahaýovtyń shákirtteri báseke tizginin birden óz qolyna aldy.
Birinshi partııada 25:8 esebi tirkelse, ekinshi sette de qazaqstandyqtar aıqyn basymdylyq tanytty — 25:13. Baýyrjan Sartaev, Perdebaı Namuratov, Erik Qasqabaev, Janǵalı Súıeýovter nátıjeli oınaı bildi.
Úshinshi partııa 25:20 esebimen aıaqtaldy. Qorytyndy esep — 3:0, Qazaqstannyń paıdasynda.
Osylaısha, qazaqstandyq paravoleıbolshylar júldeli oryn talasýǵa múmkindik aldy.
Eske sala keteıik, budan buryn qazaqstandyq paravoleıbolshylardyń álem chempıonatynyń shırek fınalyna shyqqanyn jazǵan edik.
