Para voleıboldan álem chempıonaty: Qazaqstan quramasy qola júlde úshin talasady
ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan álem chempıonatynda Qazaqstan quramasy jartylaı fınaldyq kezdesýin ótkizdi.
Qazaqstandyq paravoleıbolshylar bul joly asa myqty Iran quramasyna tap keldi.
Irandyqtar favorıt ekendigin dáleldep, 3:0 (25:18, 25:10, 25:23) esebimen jeńiske jetti.
Iran quramasy voleıboldy otyryp oınaýdan álemdegi eń ataqty quramalardyń biri bolyp sanalady. Irandyq sportshylar álem chempıonattary men Paralımpıada oıyndarynda segiz ret úzdik shyqqan. Sonyń ishinde 2024 jyly Paralımpıada oıyndarynyń jeńimpazy atandy.
Osylaısha, Iran fınalǵa joldama alsa, Baýyrjan Tahaýovtyń shákirtteri sońǵy oıynda qola júldeni sarapqa salady.
Eske sala keteıik, budan buryn para voleıboldan álem chempıonatynda Qazaqstannyń jartylaı fınalǵa joldama alǵanyn jazǵan edik.
