Para voleıboldan álem chempıonaty: Irakty jeńgen Qazaqstan quramasy pleı-off kezeńine shyqty
ASTANA. KAZINFORM — Qytaıdyń Hanchjoý qalasynda voleıboldy otyryp oınaýdan álem chempıonatynda Qazaqstan quramasy S tobynda qorytyndy matchyn ótkizdi.
Qazaqstandyq paravoleıbolshylar bul joly Irak quramasyna qarsy keldi.
Birinshi kezdesýinde Horvatııany utqanymen, keshe Brazılııaǵa ese jibergen Qazaqstan quramasy úshin bul oıynnyń mańyzy erekshe edi.
Baýyrjan Tahaýovtyń shákirtteri jeńis úshin baryn salyp, Irakty 3:0 (25:12, 25:20, 25:19) esebimen tize búktirdi.
Osylaısha, Qazaqstan ulttyq quramasy óz tobynda ekinshi orynǵa ıe bolyp, pleı-off kezeńine joldama aldy.
Eske sala keteıik, budan buryn qazaqstandyq paravoleıbolshylardyń álem chempıonatynda baq synaıtynyn jazǵan edik.
Sondaı-aq qazaqstandyq paravoleıbolshylar álem chempıonatyn aıqyn jeńispen bastady.
Para voleıboldan álem chempıonatynda Qazaqstan quramasy Brazılııaǵa ese jiberdi.
