Para kólemi qalaı ózgerdi – zertteý qorytyndysy
Jemqorlyqqa qatysty arnaıy zertteý qorytyndysyn jarııa etken Olga Shııannyń aıtýynsha, azamattar kóbinese em alý nemese emdelýge joldama alý (12,7%), jumysqa ornalasý (10,1%), balany balabaqshaǵa ornalastyrý (6,1%), jer máselesin sheshý (6,5%), HQKO-dan anyqtama alý (5,1%), sessııany «jabý» (4,4%), salyq esebin tapsyrý (9%), jol berilgen zańbuzýshylyqtar boıynsha jaýapkershilikten aýlaq bolý (8,4%) qajettigine baılanysty para berip jatady.
«Respondentterdiń sybaılas jemqorlyqqa tartylýyna ótinishterdiń jıiligi emes, alýshynyń qyzmetke qyzyǵýshylyq dárejesi áser etetinin atap ótken jón. Respondentter jaǵdaılardyń jartysynda máseleni beıresmı sheshýdiń bastamashylary memlekettik mekemelerdiń qyzmetkerleri, sondaı-aq deldaldar ekenin atap ótti. Bir jyl ishinde sybaılas jemqorlyq mámilelerindegi deldaldardyń úlesi 6%-ǵa ósti», - dep atap ótti Olga Shııan Ortalyq kommýnıkatsııalar qyzmetinde ótken brıfıngte.
Saýalnamaǵa qatysqandardyń úshten ekisi, eger qandaı da bir mekemeniń qyzmetkeri para alǵysy kelse, onda ol áýre-sarsańǵa salyp, óz ókilettikterin asyra paıdalanatynyn atap ótken. Para somasy 1 000-nan 300 000 teńgege deıin ózgergen (2019 jyly-500-den 500 000 teńgege deıin bolǵan).