Para dzıýdodan Qazaqstan áıelder quramasy álem chempıonatynda chempıon atandy

ASTANA. KAZINFORM - Astanada ótip jatqan para dzıýdodan álem chempıonatynda áıelder quramasy arasyndaǵy komandalyq jarysta chempıon atandy.

Qazaqstandyq sportshylar jarys jolynda Túrkııa, Úndistan, Ózbekstan elderin jeńdi. Tek Brazılııa quramasyna ese jiberdi. Aınalmaly júıe boıynsha ótken jarys qorytyndysynda qazaqstandyq balýandar chempıon boldy. Úzdik úshtikke Túrkııa men Brazılııa endi.

Aıta ketsek, 13-14 mamyr kúnderi álem chempıonatynda jekeleı syndaǵy beldesýler aıaqtaldy.

Álem chempıonatynda eki kúnniń qorytyndysy boıynsha el quramasy jekeleı synda 2 altyn, 2 kúmis jáne 5 qola júlde enshiledi.

J2 sanatynan Beksultan Qulmyrza (81 keli) men Jurqamyrza Shúkirbekov (95 keliden joǵary) altyn alsa, Ǵalymjan Smaǵululy (81 keli) men J2 sanatynda Aıala Mereke (70 keli) kúmis júldege qol jetkizdi.

J1 sanaty boıynsha Erǵalı Shameı (81 keli), Aınaz Quralova (46 keli), Baǵlanbek Ońalbek (95 keliden joǵary), Erlan Ótepov (95 keliden joǵary), J2 sanatynda Daıana Fedosova (60 keli) qola júldeger boldy.