Para dzıýdodan álem chempıonatynyń fınalynda qazaqstandyq qos balýan beldesedi

ASTANA. KAZINFORM - Astana qalasynda ótip jatqan para dzıýdodan álem chempıonaty fınalynda J2 sanaty boıynsha 81 kelide qazaqstandyq qos balýan synǵa túsedi.

Fınalda Ǵalymjan Smaǵululy men Beksultan Qulmyrza kezdesetin boldy. 

Jartylaı fınalda Ǵalymjan Smaǵululy 2 Paralımpıadanyń qola júldegeri, lıtvalyq Osvaldas Bareıkısti eskertý sany boıynsha jeńip ketti.

Al Beksultan Qulmyrza 1/2 fınalda beıtarap eldiń ókili, London Paralımpıadasynyń qola júldegeri Shahban Kýrbanovty 20 sekýndta ıpponmen jeńdi.

Jahandyq dodada 10 salmaqta júlde jıyntyǵy sarapqa salynady. Erler 70, 81, 95, 95 keliden joǵary salmaqta beldesse, áıelder 52, 60, 70, 70 keliden joǵary salmaqta júldege talasady.
Sondaı-aq, Halyqaralyq dzıýdo federatsııasy tájirıbe retinde Olımpıada salmaǵyna kirmeıtin 2 salmaqta (erlerde 64, áıelderde 46 keli) júlde sarapqa salynady.

Jarystyń ótýine Halyqaralyq zaǵıptar sport federatsııasy (IBSA) qoldaý bildirdi. Onda 2028 jyly AQSh-tyń Los-Andjeles qalasynda ótetin Paralımpıadaǵa mańyzdy reıtıngtik upaılar sarapqa salynady. 

Eske salsaq, álem chempıony Erǵalı Shameı 1/8 fınaldan asa almady.