Para dzıýdodan álem chempıonatynda qazaqstandyq sportshylar bes medal aldy

ASTANA. KAZINFORM — Astanada ótip jatqan para dzıýdodan Álem chempıonatynyń alǵashqy jarys kúni, 13 mamyrda el quramasy qorjynyna bes medal tústi.

Otandastarymyz 1 altyn, 1 kúmis jáne 3 qola júlde enshiledi.

J2 sanatynan Beksultan Qulmyrza (81 keli) altyn alsa, Ǵalymjan Smaǵululy (81 keli) kúmis júldege qol jetkizdi.

Atalǵan sanat boıynsha Erǵalı Shameı (81 keli), Aınaz Quralova (46 keli) qola júldeger boldy. 
Sondaı-aq J2 sanaty boıynsha Daıana Fedosova (60 keli) úzdik úshtikten kórindi.

Jahandyq dodada 10 salmaqta júlde jıyntyǵy sarapqa salynady. Erler 70, 81, 95, 95 keliden joǵary salmaqta beldesse, áıelder 52, 60, 70, 70 keliden joǵary salmaqta júldege talasady.

Sondaı-aq, Halyqaralyq dzıýdo federatsııasy tájirıbe retinde Olımpıada salmaǵyna kirmeıtin 2 salmaqta (erlerde 64, áıelderde 46 keli) júlde sarapqa salynady.

Dúbirli dodada saǵat 10:00–13:00 aralyǵynda irikteý beldesýi bolsa, 15:30–17:00 shamasynda fınal belgilengen.

Jarystyń ótýine Halyqaralyq zaǵıptar sport federatsııasy (IBSA) qoldaý bildirdi. Onda 2028 jyly AQSh-tyń Los-Andjeles qalasynda ótetin Paralımpıadaǵa mańyzdy reıtıngtik upaılar sarapqa salynady.