Para dzıýdodan álem chempıonatynda elimizdiń qos quramasy chempıon atandy
ASTANA. KAZINFORM — Astanada ótken para dzıýdodan álem chempıonaty máresine jetti. 13-15 mamyr aralyǵynda Jaqsylyq Úshkempirov atyndaǵy Jekpe-jek saraıynda jalǵasqan para dzıýdodan jahandyq doda máresine jetti.
IBSA Judo World Championships Astana básekesiniń úshinshi kúninde úshinshi kúninde komandalyq saıystan erler men áıelder arasynda júldeler sarapqa salyndy.
Elimizdiń erler quramasy komandalyq saıysta chempıon atandy. Olar Mońǵolııa men Grýzııany jarystar shyǵarsa, fınalda basty favorıt Brazılııany jeńip ketti.
Al Qazaqstan áıelder quramasy aınalmaly júıe boıynsha saıysqa tústi. Jarys jolynda Túrkııa, Úndistan jáne tartysty beldesýde Ózbekstannan basym tústi. Tek bastapqy kezeńde ǵana bir upaımen Brazılııaǵa jol berdi. Nátıjesinde chempıondyq ataqqa qol jetkizdi.
Qazaqstan para dzıýdoshylary álem chempıonatynda jekeleı synda 11 júlde jeńip aldy. Onyń ishinde 2 altyn, 2 kúmis jáne 5 qola aldy. Jalpy komandalyq esepte 4-orynǵa turaqtady.
Qazaqstandyq júldegerler tizimi:
* Jurqamyrza Shýkýrbekov — altyn (+95 keli, J2 sanaty)
* Beksultan Qulmyrza — altyn (81 keli, J2 sanaty)
* Ǵalymjan Smaǵululy — kúmis (81 keli, J2 sanaty)
* Aıala Mereke — kúmis (70 keli, J2 sanaty)
* Erǵalı Shameı — qola (81 keli, J1 sanaty)
* Daıana Fedosova — qola (60 keli, J2 sanaty)
* Aınaz Kýralova — qola (46 keli, J1 sanaty)
* Baǵlanbek Onalbek — qola (+95 keli, J1 sanaty)
* Erlan Ýtepov — qola (+95 keli, J1 sanaty)
Aıta keteıik, úsh kúnge jalǵasqan jarysta 38 elden 300-den astam sportshy qatysty.