Para berýshiler de, para alýshylar da qatań jazalanady – Shyńǵys Qabdýla
«Azamattar sybaılas jemqorlyqpen kúrestiń aýyrlyǵyn túsinýi kerek. Kúsheıtilgen sanktsııalar qosymsha tejeýshi faktor bolady dep úmittenemiz. Para berýshiler de, para alýshylar da qatań jazalanatyn bolady. Paraqorlyqqa deldaldyq jasaǵany úshin birneshe ret, ne qylmystyq toppen nemese óziniń qyzmet babyn paıdalana otyryp jasaǵan adamdarǵa da osyndaı, qaýipsizdigi tómen qonys-kolonııasynda jazany birden óteýdiń múmkin emestigi jáne shartty túrde merziminen buryn bosatýǵa tyıym salý túrindegi qatań sharalar qoldanylatyn bolady», - deıdi Nur-Sultan qalasy boıynsha sybaılas jemqorlyqqa qarsy is-qımyl departamentiniń basshysy.
Onyń aıtýynsha, bas bostandyǵynan aıyrý merzimderiniń ulǵaıýynan basqa, para bergeni jáne paraqorlyqqa deldal bolǵany úshin aıyppul mólsheri de birneshe esege ósti.
«Endi qarapaıym para berýshiler úshin (50 AEK deıin) aıyppuldyń eń tómengi mólsheri 2 esege, paranyń 10 eselengen mólsherinen 20 eselengen mólsherine deıin ulǵaıtyldy. Mysaly, eger adam 100 myń teńge para bergeni úshin sottalǵan bolsa, onda oǵan eń tómengi aıyppul retinde sotpen taǵaıyndalǵan aıyppul mólsheri 2 mln teńgeni quraıdy. Osyǵan deıin, eń tómengi aıyppul mólsheri 1 mln teńgeni qurady. Sol sııaqty deldaldar úshin de aıyppuldyń mólsheri 2 esege ulǵaıtyldy. Búgingi alańdy paıdalana otyryp, taǵy da azamattardy zańsyz syıaqy tóleý arqyly máselelerdi sheshýden bas tartýǵa shaqyramyn. Bul úshin qatań qylmystyq sanktsııalar qarastyrylǵan», - dep atap ótti Shyńǵys Qabdýla.