Para berýge úgittegen advokat ustaldy

NUR-SULTAN. QazAqparat – Batys Qazaqstan oblystyq sybaılas jemqorlyqqa qarsy qyzmet óńirdegi advokattar alqasynyń advokatyna sotqa deıingi tergeý amaldaryn bastady, dep habarlaıdy QazAqparat.

QR Sybaılas jemqorlyqqa qarsy is-qımyl agentigi taratqan aqparatqa sáıkes, ol «úıqamaq» túrindegi jazany tańdaýǵa járdem bergeni úshin BQO Oral qalalyq mamandandyrylǵan tergeý sotynyń laýazymdy tulǵasyna 80 myń teńge somasyndaǵy parany berýge azǵyrý jáne atalǵan somany alaıaqtyqpen ıelený kúdigine iligip otyr. Degenmen, kúdiktiniń jáne onyń advokatynyń kinálaryn moıyndaýyna baılanysty protsessýaldyq kelisim jasaý týraly ótinishhatpen olar qamaýǵa alynǵan joq.

«Tergeý amaldary jalǵasyp jatyr. Kúdiktige qatysty sońǵy sheshimdi onyń kinásiniń deńgeıin anyqtaý arqyly sot qabyldaıtyn bolady», - dep atap ótedi agenttikten.