Para bergeni úshin taǵaıyndalǵan aıyppuldy tólemegen azamat bas bostandyǵynan aıyryldy

KÓKShETAÝ. QazAqparat  - Aqmola oblysy boıynsha jemqorlyqpen kúres qyzmetinde ulyn sharty-merziminen buryn shyǵaryp alýǵa kómektesý úshin laýazymdy tulǵaǵa 900 myń teńge para bermek bolǵan Kókshetaý qalasynyń turǵyny K.G.Áýbákirovke qatysty sotqa deıingi tergeý sharalary aıaqtaldy, dep habarlaıdy QazAqparat tilshisi vedomstvonyń baspasóz qyzmetine silteme jasap.

«2019 jyldyń 15-shi aqpan kúni Kókshetaý qalalyq sotynyń úkimimen Áýbákirov kináli dep tanylyp, oǵan qatysty 13 270 785 teńge aıyppul túrinde shara qoldanyldy. Belgilengen keste boıynsha aıyppul ýaqytyly ótelmegendikten sot qaýlysymen atalmysh jaza túri  2 jyl 5 aı jáne 15 kúngi bas bostandyǵynan aıyrý jazasyna aýystyryldy. Aǵymdaǵy jyldyń 5-shi qazan kúni jemqorlyqpen kúres qyzmeti atalmysh sot sheshimin oryndaý maqsatynda Áýbákirovty Kókshetaý qalalyq PB ýaqytsha ustaý ızolıatoryna qamady», - deıdi vedomstvodan.