Para Azııa oıyndary: Qazaqstan sportshylary qansha medal jeńip aldy

ASTANA. QazAqparat - Indonezııada ІІІ Para Azııa oıyndary óz máresine jetti, dep habarlaıdy QazAqparat tilshisi.

Jakartada Para Azııa oıyndary aıaqtalyp elimizdiń sportshylary júlde sanynyń rekordty kórsetkishine qol jetkizdi.

Qazaqstannyń qorjynynda 6 para sport túrinen (para júzý, para dzıýdo, para paýerlıftıng, para jeńil atletıka, para voleıboldy otyryp oınaý jáne shahmat) 33 medal, onyń ishinde 5 altyn, 15 kúmis, 13 qola júlde bar. Odan bólek 4 sport boıynsha parasportshylarymyz alǵash ret júldege ıe boldy. Sonymen qatar tuńǵysh ret komandalyq oıynda para voleıbolshylarymyz qola medaldi oljalady.

Qorjynymyzda alǵash júldeni áıelder arasyndaǵy para paýerlıftıng boıynsha 66 keli salmaqta Alına Solodýhına (qola medal) syılasa, artynsha ekinshi qola medaldi 100 metrge parajúzýden Dmıtrıı Lı oljalaǵan bolatyn. 

ІІІ Para Azııa oıyndaryna álemniń 43 elinen 3 myńnan asa sportshy qatysty, bizdiń elden 9 para sport túrinen 91 sportshy qatysty.

Aıta keteıik, Indonezııadaǵy ІІІ Para Azııa 2018 oıyndarynyń jabylý saltanaty búgin «QAZSPORT» telearnasynan Astana ýaqytymen túngi saǵat 00:00-de tikeleı efırde kórsetiledi.