Para Azııa oıyndary: Qazaqstan qorjynyna alǵashqy «kúmis» tústi
ASTANA. QazAqparat - Jakartada ótip jatqan ІІІ Para Azııa oıyndarynda qazaqstandyq paýerlıftıng sheberi Davıd Degtıarev el qorjynyna kúmis medal saldy, dep habarlaıdy QazAqparat tilshisi.
«Bizdiń paraatletterdiń qorjynynda taǵy bir medal bar. Paýerlıftıngten 54 kelige deıingi sanatta Davıd Degtıarev Para Azııa oıyndarynyń kúmis medalin jeńip aldy. Quttyqtaımyz», - dep jazdy Feısbýk paraqshasynda QR Mádenıet jáne sport mınıstrligi Sport jáne dene shynyqtyrý komıtetiniń baspasóz hatshysy Raýhan Toǵymbaeva.
Eske sala ketsek, 7 qazan kúni Jakartada ótip jatqan ІІІ Para Azııa oıyndarynda elimizdiń qorjynyna alǵashqy 2 qola medal túsken bolatyn. Atap aıtqanda, «qolany» áıelder arasyndaǵy para paýerlıftıng boıynsha 66 keli salmaqta Alına Solodýhına oljalady. Arasyn sýytpaı ekinshi qola medaldi 100 metrge parajúzýden Dmıtrıı Lı qanjyǵasyna baılady.
