Para alýda aıypty dep tanylǵan salyq ınspektory ózine-ózi qol jumsap, ajal qushty
ASTANA. 9 qańtar. QazAqparat - Kásipkerden 400 myń rýbl kóleminde para almaqqa árekettengen salyq ınspektory ózine-ózi qol jumsap, mert boldy.
Bul týraly jýrnalısterge onyń qorǵaýshysy Igor Rodnov habarlady, dep jazady reseılik jańalyqtar qyzmeti.
Rodnovtyń aıtýynsha, Máskeý oblysy boıynsha salyq ınspektsııasynyń kóshpeli tekserýler bóliminiń salyq ınspektory Irına Lapteva 2013 jylǵy qańtardyń 2-nen 3-ne qaraǵan túninde dári-dármekterdiń kúshti dozasyn iship kóz jumdy.
Esterińizge sala keteıik, 2012 jyldyń 13 qarashasynda Lapteva kommertsııalyq uıymdardyń biriniń basshysynan para alý kezinde ustaldy. Burynǵy ınspektor eshqaıda ketpeý qolhatyn toltyrdy. Tergeýdiń ony qamaýǵa alý týraly suraýy ınspektorda psıhıkalyq aýrýdyń bolýyna baılanysty qabyldanbaǵan edi.
