12:29, 29 Maýsym 2018 | GMT +5
Para alý kúdigimen ustalǵan polıtseıdi qamaýda ustaý merzimi uzartyldy
ALMATY. QazAqparat - Almatyda para aldy degen kúdikpen ustalǵan polıtsııa qyzmetkerin qamaýda ustaý merzimi uzartyldy, dep habarlaıdy QazAqparat tilshisi.
Bul aqparatty qalalyq sottyń baspasóz qyzmetinen rastady.
«ІІD jergilikti polıtsııa qyzmeti jol-patrýldik polkiniń komandıri M.Baıǵazınovty qamaýda ustaý merzimi 17 shildege deıin uzartyldy», - dedi baspasóz qyzmetinen.
Aıta ketý kerek, polıtsııa qyzmetkeri 2018 jyldyń 17 sáýirinde 200 dollar kóleminde para aldy degen kúdikpen ustalǵan bolatyn.
Atalǵan derekke baılanysty QR QK 366-baby boıynsha tergeý jumystary júrýde.