Para alý kúdigimen ustalǵan aýdandyq prokýratýra qyzmetkeri 2 aıǵa qamaldy

ASTANA. QazAqparat - Para alý kúdigimen ustalǵan Aqmola oblysyna qarasty aýdandyq prokýratýra qyzmetkeri 2 aıǵa qamaýǵa alyndy, dep habarlaıdy QazAqparat.

«Astana qalasy Almaty aýdanynyń №2 soty Bas prokýrordyń aǵa kómekshisi - jedel-tergeý toby jetekshisiniń para aldy degen kúdikpen ustalǵan Aqmola oblysyna qarasty aýdandyq prokýratýralardyń biriniń qyzmetkerin 2 aıǵa deıin qamaýǵa alý usynysyn tolyqtaı qoldady», - delingen elimizdiń Bas prokýratýrasynyń baspasóz qyzmeti taratqan aqparatta.

Esterińizge sala keteıik, 18 qazanda Bas prokýratýranyń Іshki qaýipsizdik basqarmasy aýdandyq prokýratýra qyzmetkerin «M» degen azamatshadan para alý ústinde ustaǵandyǵyn habarlaǵan bolatyn.