Para alý kezinde ustalǵan Qaraǵandy oblystyq TJD bastyǵynyń orynbasary aıyppul tóleýge daıyn
QARAǴANDY. QazAqparat - Qaraǵandy oblystyq TJD bastyǵynyń orynbasary Vadım Magamadov 200 myń teńge para alǵany úshin 12 mıllıon teńge kóleminde aıyppul tóleýge kelisip otyr, dep habarlaıdy «QazAqparat» HAA tilshisi.
Qaraǵandy qalalyq №1 Qazybek bı aýdandyq soty habarlaǵandaı, Vadım Magamadovqa qatysty qylmystyq is sot óndirisine kelip tústi.
«Qylmystyq is sýdıa Jumaǵul Shójenovtyń óndirisine túsken. Ol qysqartylǵan retpen, ıaǵnı kýágerlerden jaýap almastan qaralatyn bolady. Sebebi jaýapker Magamadov prokýratýramen óziniń kinásin moıyndaıtyndyǵy jáne aıyppul túrindegi jazaǵa tartylatyny týraly protsessýaldyq kelisim jasasqan», - dep habarlaıdy aýdandyq sot.
Magamadov óz kinásin tolyq moıyndap, para somasynan 60 ese kóleminde, ıaǵnı 12 mıllıon teńge tóleýge keliskeni belgili. Ol qazir AK 159/1 tergeý oqshaýlaǵyshynda qamaýda otyr. Departament bastyǵynyń orynbasaryna eki aıyp - QR QK 366-babynyń 2-tarmaǵy «para alý» jáne 361-babynyń 2-tarmaǵy «Laýazymdyq ókilettikterdi teris paıdalaný» boıynsha aıyp taǵyldy.
