Para almaıtyn jol saqshysy jasaldy
ASTANA. QazAqparat - Kongo Demokratııalyq Respýblıkasynyń astanasy Kınshaste kólik qozǵalysy problemalaryn sheshýdiń erekshe joly tabyldy. Kólik qoǵalasyn retteý men adamdardyń baǵdarshamdy elemeý ádetine tosqaýyl qoıý úshin qala ortalyǵyna 2,5 metrlik robot ornatyldy.
Bul robotty jasaý ıdeıasy Kınshastegi Qoldanbaly tehnıka joǵary ınstıtýtynyń ónertapqyshy Isaıe Terezaǵa tıesili. Robottyń kózine arnaıy beınekameralar ornatyldy, osylaısha onyń kózi kez kelgen ereje buzý faktilerin tirkep otyrady. Sonymen qatar onda baǵdarsham belgileri jáne jaıaý júrginshilerge aqparat beretin qondyrǵylar jasaqtaldy. Robottar kún batareıalarynan alynǵan energııamen jumys isteıdi jáne onyń qýaty túngi ýaqytta da taýsylmaıdy. Sonymen qatar olar jan-jaǵyna burylyp, naqty bir kóliktiń qozǵalysyn baqylap turýǵa qaýqarly.
