Para alǵany úshin QR IDM Kólik komıtetiniń 8 qyzmetkeri sottaldy

QR IDM Kólik komıtetiniń tóraǵasy Áset Asaýbaev  quqyq buzýshylyqtar men qyzmetkerler arasyndaǵy jyl basynan bergi sybaılas jemqorlyq faktilerin anyqtaý sharalary týraly aıtty. 

2017 jyldyń basynan beri sybaılas jemqorlyq qylmysyn jasady, degen kúdikpen aýmaqtyq organdardyń 13 laýazymdy tulǵasy tutqyndaldy. Olardyń  8-i sottaldy (2016 jyly tutqynǵa alynǵan 13 qyzmetkerdiń kinási dáleldendi). Eger buryn sybaılas jemqorlyq qylmysyn jasaǵan úshin jaýapkershilikke tek qatardaǵy qyzmetker tartylǵan bolsa, bıyl birneshe basshy qamaýǵa alyndy. Solardyń ishinde Mańǵystaý oblysy boıynsha Kólikti baqylaý ınspektsııasy basshysynyń mindetin atqarýshy bar.

Batys Qazaqstan oblysynda júıeli túrde para alǵan úshin jetekshi maman A. Zeıneddenov sottaldy. Budan bólek, aımaqtyq Kólikti baqylaý ınspektsııasyna anyqtalǵan quqyq buzýshylyqtar boıynsha 15 nusqaý jiberildi.

Tutqynǵa alynǵan qyzmetkerler sany boıynsha Almaty oblysynyń Kólikti baqylaý ınspektsııasy aldyńǵy qatarda tur.

Astana qalasy boıynsha Kólikti baqylaý ınspektsııasyna anyqtalǵan quqyq buzýshylyqtar boıynsha 20 nusqaý jiberligen. Solardyń tek qana 9-y boıynsha sharalar qoldanyldy. Nátıjesinde, 4 qyzmetker tutqyndalyp, ınspektsııa basshysy qamaýǵa alyndy.

Almaty qalasy boıynsha ınspektsııa qyzmetkerleri M.Ámirbekov pen B.Jaqııanov tasymaldaýshylardan júıeli túrde para alǵandar jáne jaqtaýshylyq kórsetkenderi úshin sottaldy. Іs materıaldarynan olardyń áriptesterinen arnaıy taný japsyrmasy bar aýyr júk mashınalaryn toqtatpaýlaryn suraǵany belgili boldy. 

 

Sybaılas jemqorlyq qylmystarynyń basym bóligi avtokólik salasynda bolǵandyqtan komıtettiń onlinecam.mid.gov.kz  saıtynda barlyq kólikti baqylaý beketterinen translıatsııa jasaý uıymdastyrylǵan. Ol barlyq qyzyǵýshylyq bildirýshilerge qoljetimdi. 

Jyljymaly jáne statsıonarly kólik baqylaý beketterine vıdeo-monıtorıng jasaý barysynda Ahýaldyq ortalyq qyzmetkerleri jyl basynan beri 227 quqyq buzýshylyqty anyqtap (bir jylda 33% artqan), tártiptik jaýapkershilikke 136 adam tartylǵan.

«Men tyıylmaıtyn quqyq buzýshy qyzmetkerlerdiń jumysyna tıisti dárejede baqylaý júrgizbeıtin, olardy búrkemeleıtin jáne teris qylyqtaryn jasyratyn birinshi basshylar kináli dep esepteımin. Ózderińiz taldap kórińizder, Ahýaldyq ortalyq anyqtaǵan quqyq buzýshylyqtardyń tek 57%-y boıynsha sharalar qoldanylǵan. Zańnama talaptaryna saı bolmaǵandyqtan tártiptik jaýapkershilik bul jerde esepke alynbaıdy», - dep, atap ótti Áset Asaýbaev.

Komıtet tóraǵasy kólik beketterin tekserý boıynsha óziniń jeke tájirıbesi týraly aıtty. Mysaly, «Molodejnyı» beketin teksergen kezde onda bóten adamdar bolǵan. Kameralar jumys istemegen, ınspektorlar avtokólik quraldaryn tirkeý protsedýralaryn jasamaǵan.

«Qyzyljar» beketiniń vıdeo-monıtorıngi kúndelikti ondaǵan júk mashınalary qyzmetkerlerdiń toqtatý talaptaryn elemeıtinin kórsetti. Biraq 10 aı ishinde osy sebeptermen tek qana 20 hattama ǵana toltyrylǵan.  

Baqylaý jyljymaly beketterge de júrgiziledi. BQO-nda avtokólik quralyn tarazylaý protsedýrasy durys bolmaǵan. Nátıjesiniń burmalanǵany belgili boldy. 

Keńes qorytyndysynda kólikti baqylaý beketteriniń jumysyn uıymdastyrý erejelerine ózgeristerdi engizý; adamnyń qatysýynsyz avtomatty ólsheý quraldarynyń qoldanysyn tezdetý; tıimdilik kórsetkishterine negizdelgen qyzmetkerlerdi yntalandyrý mehanızmin engizý; qyzmetkerlerdiń tártiptik  jaýapkershiligin qarastyrý kezinde zańsyzsyzdyq jasaý faktilerin boldyrmaý; aýmaqtyq ınspektsııalarǵa anyqtalǵan quqyq buzýshylyqtar boıynsha qyzmettik tergeý materıaldardyń kóshirmelerin berý týraly sheshimder qabyldandy.

 

Aıta keterligi, QR IDM Kólik komıteti janynan qurylǵan sybaılas jemqorlyqqa qarsy kúres jónindegi keńestiń quramyna «Nur Otan» partııasy, QR Memlekettik qyzmet isteri jáne sybaılas jemqorlyqqa qarsy is-qımyl agenttigi, QR Ulttyq kásipkerler palatasy, keme ıeleri men teńiz ındýstrııasy kásipkerleriniń qaýymdastyǵy,  Qazaqstandyq tasymaldaýshylar men vagon (konteıner) operatorlarynyń  qaýymdastyǵy, QR Avtokólikshiler odaǵy, Qaraǵandy oblysy avtokólik kásipkerler qaýymdastyǵy, QR  Halyqaralyq avtomobıl tasymaldaýshylar odaǵy, KAZLOGISTICS Qazaqstan kólikshiler odaǵy, QR Ulttyq ekspedıtorlar qaýymdastyǵy jáne QR IDM Zań departamentiniń ókilderi kirdi.